Në zonën e Gojanit në Pukë të Shqipërisë, zjarri po përhapet me shpejtësi drejt banesave, duke rritur shqetësimin për sigurinë e banorëve. Era e fortë po favorizon përhapjen e flakëve, të cilat kanë kaluar edhe rrugën dhe po avancojnë drejt fshatit dhe pyjeve përreth. Mjetet zjarrfikëse kanë vështirësi në qasje për shkak të terrenit të vështirë, ndërsa forcat e armatosura dhe strukturat e tjera po punojnë intensivisht për izolimin e vatrave, të cilat janë riaktivizuar për shkak të erës. Për shkak të rrezikut të lartë gjatë natës, po dërgohet një automjet për monitorim dhe ndërhyrje të shpejtë në zonën e Gojanit, ndërkohë që situata mbetet kritike dhe e paparashikueshme.