Një zjarr i madh ka shpërthyer në zonën e Qafë Thanës, duke përfshirë një sipërfaqe të konsiderueshme me bimësi të ulët dhe të mesme. Flakët po përhapen me shpejtësi për shkak të temperaturave të larta dhe erës së fortë, që po e bëjnë shumë të vështirë ndërhyrjen e zjarrfikësve. Në vendngjarje janë zjarrfikësit e Pogradecit, të cilët po punojnë intensivisht për të vënë nën kontroll situatën dhe për të parandaluar përhapjen e mëtejshme të zjarrit në zona të tjera. Autoritetet vijojnë monitorimin e situatës dhe pritet ndërhyrje e mëtejshme për neutralizimin e plotë të flakëve.