Një vatër zjarri shpërtheu këtë të mërkurë në fshatin Suç të Bashkisë Klos, duke përfshirë fillimisht një sipërfaqe kullote. Për shkak të temperaturave të larta dhe erës, flakët u përhapën shpejt dhe rrezikuan edhe një kabinë elektrike në lagjen “Halilaj”. Ndërhyrja e shpejtë dhe efikase e Shërbimit Zjarrfikës të Bashkisë Klos ishte kyçe për të bllokuar përhapjen e zjarrit dhe për të shpëtuar banesat nga dëmtimi. Falë këtij reagimi të menjëhershëm, u evitua një katastrofë më e madhe në komunitetin lokal.