Sot në fshatin Hereq të Gjakovës ka shpërthyer një zjarr i përmasave të mëdha që ka përfshirë rreth 150 hektarë sipërfaqe malore dhe kullosa. Ekipet e Njësisë Profesionale të Zjarrfikësve dhe Shpëtimit në Gjakovë kanë punuar gjatë gjithë ditës për të lokalizuar flakët dhe për të parandaluar përhapjen e mëtejshme të zjarrit. Në ndihmë të tyre kanë ardhur edhe zjarrfikësit nga Deçani, duke forcuar operacionin e shuarjes. Gjatë intervenimit, një zjarrfikës ka pësuar lëndime dhe është trajtuar nga ekipi i ambulancës, ndërsa gjendja e tij raportohet të jetë stabile. Falë angazhimit të ekipeve në terren, zjarri është vënë nën kontroll dhe nuk ka shkaktuar dëme më të mëdha.