Një anije turistike me 115 persona në bord u përfshi nga flakët pranë brigjeve të Fethiyes në jugperëndim të Turqisë, duke detyruar pasagjerët, përfshirë fëmijë, të vishnin jelekët e shpëtimit dhe të hidhen në det për t’u shpëtuar. Flakët u përhapën shpejt në të gjithë anijen gjatë një “tur blu” pranë Gjirit të Katrancit, ndërsa ekipet e Rojës Bregdetare dhe anijet e tjera në zonë organizuan menjëherë operacionin e shpëtimit. Autoritetet konfirmuan evakuimin e 107 personave dhe nuk raportuan viktima, ndërsa po vazhdojnë hetimet për shkakun e zjarrit që ende mbetet i panjohur. Anija pësoi dëme të mëdha dhe filloi të fundosej, ndërsa guvernatori lokal theksoi se pasagjerët u nxorën në siguri falë reagimit të shpejtë të forcave të emergjencës.