Një zjarr i fuqishëm ka përfshirë disa automjete të parkuara në afërsi të objektit të Komunës së Suharekës, duke shkaktuar dëme të konsiderueshme materiale. Pamjet nga vendi i ngjarjes tregojnë flakë të mëdha që janë përhapur shpejt në zonë, ndërsa në vend kanë dalë menjëherë ekipet e zjarrfikësve dhe Policia e Kosovës për të lokalizuar zjarrin dhe për të hetuar rrethanat. Fatmirësisht, deri tani nuk raportohet për persona të lënduar nga ky incident. Shkaqet e zjarrit mbeten ende të panjohura dhe po vazhdojnë hetimet për zbardhjen e plotë të ngjarjes.