Një zjarr i madh ka shpërthyer në fshatin Penkovë të bashkisë Selenicë, duke përfshirë zona të gjera dhe duke krijuar një situatë të vështirë për kontrollin e flakëve. Për shkak të përmasave të zjarrit, është kërkuar ndihma e zjarrfikësve nga qytetet e Vlorës dhe Himarës, të cilët po mobilizohen për ndërhyrje të shpejtë në terren. Deri tani, dy vila janë rrezikuar dhe kanë pësuar dëme në ambientet e jashtme, ndërsa nuk ka ende informacion të qartë nëse banesa të tjera apo objekte të tjera janë në rrezik. Situata mbetet e tensionuar dhe autoritetet po punojnë intensivisht për të vënë nën kontroll flakët dhe për të parandaluar përhapjen e mëtejshme të zjarrit.