Një zjarr i madh ka shpërthyer mbrëmjen e 6 gushtit në një zonë fushore në Ferizaj, duke përfshirë një sipërfaqe të konsiderueshme me flakë dhe tym të dendur. Pamjet e siguruara tregojnë përhapjen e shpejtë të zjarrit, i cili është parë nga larg dhe ka shkaktuar shqetësim në komunitet. Ende nuk janë bërë të ditura shkaqet që e kanë shkaktuar zjarrin, ndërsa autoritetet nuk kanë raportuar për persona të lënduar apo dëme materiale deri tani. Situata mbetet nën vëzhgim, ndërsa banorët dhe zjarrfikësit janë në pritje të zhvillimeve të reja.