Një zjarr i madh ka përfshirë një depo me goma në fshatin Vrellë, pranë autostradës Prishtinë-Prizren dhe shumë afër kampit të Njësive Speciale të Policisë së Kosovës. Flakët kanë djegur një sasi të madhe gomash, duke shkaktuar një tym të dendur të zi që ka mbuluar pjesërisht fshatin. Në vendin e ngjarjes kanë dalë menjëherë policia dhe zjarrfikësit, të cilët po punojnë për të vënë zjarrin nën kontroll dhe për të shmangur përhapjen e tij. Ende nuk dihet shkaku i zjarrit apo nëse ka persona të lënduar, ndërsa autoritetet pritet të japin më shumë detaje për pasojat dhe dëmet e shkaktuara.