Një zjarr i madh ka përfshirë sipërfaqe të gjera me ara në zonën e Koxhasit, Shijak, duke shkaktuar një tym të dukshëm në rrethinë. Forcat zjarrfikëse nga Shijaku, Durrësi dhe Vora janë në terren dhe po punojnë intensivisht për të vënë flakët nën kontroll. Ndërhyrja e tyre po pengohet nga era e fortë, e cila favorizon përhapjen e zjarrit dhe e bën më të vështirë izolimin e vatrës. Deri tani nuk ka raportime për banesa apo biznese të rrezikuara, ndërsa autoritetet presin informacione të mëtejshme për shkaqet dhe dëmet e shkaktuara.