Një zjarr i madh shpërtheu mbrëmë në Lokva Rogoznica të Kroacisë dhe u përhap shpejt drejt Omishit, duke rrezikuar banesa, vetura dhe varka. Zjarrfikësit po luftojnë me flakët në kushte të vështira, për shkak të erërave të forta, ndërsa dëmet materiale janë të mëdha dhe disa persona kanë pësuar lëndime. Rreth 1000 banorë janë evakuuar dhe strehuar në një qendër pritjeje në palestrën sportive të Omishit, ku u sigurohen ushqim dhe ujë. Autoritetet bëjnë thirrje për kujdes dhe respektim të udhëzimeve të emergjencës, ndërsa situata mbetet kritike dhe zjarrfikësit vazhdojnë betejën me flakët.