Një zjarr i madh ka përfshirë fshatin Llakatund në Vlorë mesditën e së hënës, duke u përhapur me shpejtësi dhe duke dalë jashtë kontrollit. Era e fortë në zonë po favorizon përhapjen e flakëve, duke e bërë situatën më të vështirë për t’u menaxhuar. Deri tani nuk ka mbërritur zjarrfikësja në vendngjarje, ndërsa banorët dhe autoritetet janë në alarm për shkak të rrezikut të përhapjes së zjarrit. Situata mbetet kritike dhe kërkon ndërhyrje urgjente për të parandaluar dëme më të mëdha.