Një zjarr i madh shpërtheu sot në lagjen Kodrina të Prishtinës, pranë bllokut R8, një ndërtesë 20-katëshe. Flakët kanë përfshirë grumbuj mbeturinash të depozituara pranë objektit, të cilat dyshohet se u vunë qëllimisht nga dikush. Si pasojë e temperaturave të larta, janë thyer xhamat e lokaleve në katin përdhesë, ndërsa rreziku i përhapjes së zjarrit në pjesët e tjera të ndërtesës ishte i lartë. Autoritetet po hetojnë shkakun e saktë të zjarrit, ndërkohë që nuk raportohet për persona të lënduar.