Një zjarr i madh ka përfshirë mesditen e sotme parcelat e mbjella me grurë në rrugën nga “Arbëria” drejt Shkabajt pranë Prishtinës. Në vendin e ngjarjes kanë intervenuar zjarrfikësit e kryeqytetit, të cilët po punojnë intensivisht për lokalizimin dhe shuarjen e flakëve, duke përdorur disa automjete zjarrfikëse. Qëllimi kryesor i operacionit është të parandalohet përhapja e zjarrit në sipërfaqe të tjera bujqësore. Ende nuk dihen shkaqet e shpërthimit të zjarrit, ndërsa fatmirësisht nuk raportohet për persona të lënduar.