Mbrëmjen e 13 gushtit në Prizren, një zjarr ka përfshirë hapësira në varrezat katolike dhe myslimane në rrugën “Shefqet Berisha”. Policia dhe zjarrfikësit kanë intervenuar për të vënë nën kontroll flakët, duke parandaluar përhapjen e mëtejshme të zjarrit, ndërsa në momentin e ngjarjes nuk kishte qytetarë brenda varrezave. Pas hetimeve në terren, është arrestuar një person 57-vjeçar, Imli Krasniqi, i cili dyshohet se ka shkaktuar zjarrin dhe ishte në gjendje të rënduar nga konsumimi i alkoolit. Rasti është iniciuar nga Prokurori i Shtetit për veprën penale “Zjarrvënie”, ndërsa i dyshuari është ndaluar për 48 orë, ndërkohë që vlera e dëmeve të shkaktuara ende nuk është përcaktuar.