Një vatër zjarri ka shpërthyer në fshatin Vranisht të bashkisë Himarë, ku flakët janë përhapur me shpejtësi për shkak të temperaturave të larta dhe erës së fortë. Forcat zjarrfikëse të Himarës dhe Selenicës janë në terren duke punuar për izolimin dhe shuarjen e flakëve, por terreni i vështirë dhe kushtet atmosferike e bëjnë ndërhyrjen shumë të vështirë. Zjarri ka përfshirë disa hektarë me sipërfaqe pyjore, pisha, shkurre dhe barishte, si dhe një banesë të pabanuar, duke rrezikuar edhe banesa të tjera pranë zonës së përfshirë. Në ndihmë të forcave në terren është angazhuar edhe një helikopter që kryen hedhje uji nga ajri, ndërsa situata mbetet dinamike dhe kërkon përpjekje intensive për neutralizimin e flakëve.