Një vatër zjarri masiv ka shpërthyer në një zonë malore midis njësive Kolsh dhe Surroj, rreth dy kilometra larg tunelit të Kalimashit pranë Rrugës së Kombit. Flakët kanë përfshirë bimësi dhe shkurre, ndërsa era dhe temperaturat e larta po favorizojnë përhapjen e zjarrit, duke vështirësuar punën e forcave të zjarrfikëses dhe strukturave të Mbrojtjes Civile. Banorët dhe autoritetet janë mobilizuar për të izoluar flakët dhe për të parandaluar përhapjen në terrenin malor, ndërsa deri tani nuk ka raportime për dëme në banesa apo rrezik për persona. Situata vijon të monitorohet me kujdes, por kushtet e motit mbeten një sfidë serioze për ndërhyrjen në terren.