Situata e zjarreve në qarkun Dibër është përkeqësuar ndjeshëm, me flakët që po përhapen me shpejtësi në zonat e Bulqizës dhe Matit. Në Qafë Helmë të Fushë-Bulqizës, zjarri ka marrë përmasa të mëdha, të favorizuara nga temperaturat e larta dhe era, duke e bërë të vështirë neutralizimin e tij nga forcat në terren. Gjatë ditës është shfaqur edhe një vatër e re zjarri në pyjet e fshatit Laç në Mat, duke rritur nevojën për ndërhyrje të shpejtë. Autoritetet kërkojnë ndërhyrje urgjente nga ajri për të frenuar avancimin e flakëve dhe për të vënë nën kontroll situatën kritike.