Zjarri që kishte rënë ditën e djeshme në zonën e Pishporos, pranë grykëderdhjes së Vjosës, është riaktivizuar sërish, duke përhapur flakët në të njëjtën zonë të prekur më parë. Për shkak të terrenit të vështirë dhe erës që favorizon përhapjen, ndërhyrja nga toka është e vështirë, ndaj janë angazhuar dy avionë për shuarjen e flakëve nga ajri. Operacioni ajror ka nisur për të vënë nën kontroll situatën dhe për të parandaluar përhapjen më të madhe të zjarrit. Autoritetet po monitorojnë situatën me kujdes, ndërsa kushtet natyrore vazhdojnë të përbëjnë një sfidë për ndërhyrjen efektive.