Mëngjesin e sotëm, një zjarr i fuqishëm ka përfshirë katin e sipërm të një ndërtese banimi në rrugën “Isa Kastrati” në Prishtinë. Flakët janë parë duke dalë përmes kulmit të ndërtesës, ndërsa re të dendura tymi kanë mbuluar zonën dhe janë vërejtur nga pjesë të ndryshme të kryeqytetit. Në vendin e ngjarjes kanë shkuar menjëherë njësitet e Policisë së Kosovës, zjarrfikësit dhe ekipet e emergjencës mjekësore, të cilët kanë bllokuar qarkullimin dhe kanë vendosur shirita sigurie rreth perimetrit të zonës së prekur. Autoritetet janë duke hetuar shkaqet e zjarrit dhe po monitorojnë situatën në pritje të informacioneve të mëtejshme.