Një zjarr i fuqishëm shpërtheu mesditën e së dielës në zonën e Ujit të Ftohtë, mbi tunelin e Vlorës, duke përfshirë një sipërfaqe me shkurre dhe bimësi të ulët. Flakët u përhapën shpejt për shkak të temperaturave të larta dhe erës, duke iu afruar rrezikshëm banesave pranë. Forcat e Policisë dhe shërbimet zjarrfikëse reaguan menjëherë në vendngjarje për të izoluar vatrën dhe për të mbrojtur banorët. Operacioni për shuarjen e plotë të zjarrit vazhdon, ndërsa autoritetet janë në gatishmëri për të parandaluar çdo rrezik të mëtejshëm.