Një shtëpi në fshatin Liqej të Vushtrrisë u përfshi nga flakët mëngjesin e së martës, duke shkaktuar dëme materiale të konsiderueshme që kapin mbi 84 mijë euro. Zjarri dyshohet të ketë nisur për shkak të një defekti në instalimin elektrik, ndërsa në zjarr u shkrumbuan edhe para të gatshme dhe stoli ari me vlerë rreth 4,300 euro. Në vendin e ngjarjes kanë intervenuar njësitet policore, hetuesit, eksperti i zjarrit dhe ekipet e KEDS-it për të përcaktuar shkakun e saktë të zjarrit. Fatmirësisht, nuk ka pasur persona të lënduar, ndërsa rasti është iniciuar si “Shkaktim i rrezikut të përgjithshëm” dhe hetimet janë në vazhdim.