Gjatë 24 orëve të fundit, Qendra Emergjente e Qendrës Klinike Universitare të Kosovës ka përballuar një fluks të madh pacientësh, duke realizuar 292 vizita dhe 81 procedura reanimimi. Rastet e trajtuara kanë përfshirë sëmundje internistike, kirurgjike dhe ortopedike, ndërsa janë trajtuar edhe pacientë me lëndime nga armë e ftohtë dhe aksidente komunikacioni. Për trajtim të mëtejshëm janë hospitalizuar 22 pacientë në klinika të ndryshme, duke përfshirë Kirurgjinë, Mjekësinë Interne, Ortopedinë dhe Mjekimin Intensiv. Pavarësisht ngarkesës së madhe, stafi mjekësor dhe infermieror ka ofruar kujdes të pandërprerë dhe shërbime emergjente për të gjithë pacientët.