Në 24 orët e fundit, Qendra Klinike Universitare e Kosovës (QKUK) ka ofruar 331 shërbime emergjente për qytetarët, duke reflektuar një fluks të lartë pacientësh në njësitë e ndryshme të emergjencës. Numri më i madh i pacientëve është trajtuar në Emergjencën Internistike, ku janë asistuar 111 persona, ndërsa njësitë e tjera kanë trajtuar 79 pacientë në Reanimim, 56 në Emergjencën Kirurgjike dhe 62 në Emergjencën Ortopedike. Mes rasteve të trajtuara janë evidentuar 25 persona të lënduar nga aksidentet në trafik dhe tre të përfshirë në përleshje fizike. Gjithashtu, në Sallën e Vogël janë ofruar shërbime për 23 pacientë për qepje dhe pastrim të plagëve, ndërsa 36 pacientë janë pranuar për trajtim në klinika të ndryshme të QKUK-së.