Temperaturat e larta gjatë muajve korrik dhe gusht kanë shkaktuar një rritje të ndjeshme të fluksit të pacientëve në Qendrën Kryesore të Mjekësisë Familjare në Gjakovë. Mjekët raportojnë se virozat e stinës, si barkqitja, vjellja dhe molisja, janë më të shpeshta, ndërsa nuk kanë munguar rastet me goditje nga dielli, veçanërisht tek të moshuarit, fëmijët, gratë shtatzëna dhe personat me sëmundje kronike. Disa pacientë me simptoma të vazhdueshme janë referuar në Spitalin e Gjakovës për trajtim më të specializuar, duke theksuar rrezikun e dehidrimit si pasojë e temperaturave të larta. Mjekët rekomandojnë konsumim të shpeshtë të ujit dhe shmangie të ekspozimit të gjatë në diell për të parandaluar përkeqësimin e gjendjes shëndetësore.