Gjatë dy ditëve të fundit të javës, Klinika Emergjente e QKUK-së ka trajtuar mbi 1,067 pacientë, një numër jashtëzakonisht i lartë krahasuar me vitet e mëparshme. Vetëm 86 prej tyre kanë pasur nevojë të vazhdojnë trajtimin në klinikat e QKUK-së, ndërsa drejtori i Emergjencës, Naser Syla, thekson se për muajt e fundit janë tejkaluar të gjitha normat e pritshme. Fluksi i madh i pacientëve lidhet me mungesën e Spitalit të Prishtinës dhe shfrytëzimin e pamjaftueshëm të shërbimeve të kujdesit parësor dhe spitaleve rajonale. Për të përballuar ngarkesën, janë angazhuar 12 specialistë të emergjencës me pagesë për kujdestari, duke u përpjekur të menaxhojnë situatën kritike.