Forca e Posaçme “Shqiponja”, në bashkëpunim me specialistët për hetimin e narkotikëve, ka arrestuar një 27-vjeçar në Tiranë, i dyshuar për shpërndarje të kanabisit në zona pranë shkollave dhe lokaleve. Gjatë operacionit të zhvilluar në rrugën “Petro Nini Luarasi”, policia i gjeti dhe sekuestruar një sasi të lëndës narkotike gati për shpërndarje, ndërsa një tjetër person u procedua për blerje të një sasie të vogël droge. Ky aksion është pjesë e një plani më të gjerë të policisë për të goditur fenomenin e shpërndarjes së drogës në pikat më të ndjeshme të kryeqytetit, me fokus të veçantë në afërsi të shkollave. Materialet procedurale janë dorëzuar në Prokurorinë pranë Gjykatës së Shkallës së Parë në Tiranë, e cila do të vijojë me hetimet për rastin.