Paraditen e sotme në rrugën “Bajram Bahtiri” në Prishtinë, forca të shumta të Policisë së Kosovës kanë zbarkuar për të zhvilluar një aksion policor të gjerë. Në vendngjarje janë angazhuar Njësitë Speciale, hetues policorë dhe zyrtarë të tjerë të rendit, ndërsa po kryhen bastisje në të paktën një lokacion. Ende nuk dihet se me cilin rast lidhet ky operacion dhe nëse ka persona të arrestuar deri tani. Autoritetet nuk kanë dhënë informacione zyrtare, ndërsa mediat po ndjekin ngjarjen dhe do të informojnë sapo të ketë zhvillime të reja.