Prokuroria Themelore në Mitrovicë ka organizuar një takim koordinues me përfaqësues të institucioneve kyçe për të diskutuar dhe përforcuar bashkëpunimin në luftimin dhe parandalimin e trafikimit me qenie njerëzore. Takimi u drejtua nga prokurorja Fetije Bajrami dhe morën pjesë përfaqësues nga Zyra për Mbrojtje dhe Ndihmë Viktimave, Qendra për Punë Sociale, stacionet policore të Jugut dhe Veriut, si dhe strehimoret. Gjatë diskutimeve u trajtuan çështje konkrete të rasteve, masat parandaluese dhe mënyrat për mbrojtjen e viktimave. Pjesëmarrësit ranë dakord që takimet koordinuese të mbahen rregullisht, me qëllim rritjen e efikasitetit në reagimin institucional ndaj këtij fenomeni.