Kryeprokurori i Prokurorisë Speciale të Kosovës, Blerim Isufaj, priti një delegacion francez të udhëhequr nga prokurori Cyril Lacombe, ku u diskutua për intensifikimin e bashkëpunimit ndërinstitucional në luftën kundër krimit të organizuar dhe korrupsionit. Gjatë takimit u vlerësua bashkëpunimi i deritanishëm mes institucioneve të Kosovës dhe Francës në fushën e drejtësisë, duke theksuar rëndësinë e forcimit të sundimit të ligjit. Përfaqësuesit francezë shprehën mbështetjen e tyre të plotë për Prokurorinë Speciale në përmbushjen e mandatit të saj, duke nënvizuar nevojën për partneritete ndërkombëtare. Kryeprokurori Isufaj falënderoi delegacionin për mbështetjen e vazhdueshme dhe theksoi se bashkëpunimi ndërkombëtar është kyç për avancimin e kapaciteteve institucionale të drejtësisë në Kosovë.