Prokuroria Themelore në Pejë organizoi një takim koordinues me përfaqësues të Policisë së Kosovës, Administratës Tatimore, Inspektoratit të Punës, inspektorëve komunalë dhe misionit EULEX, me qëllim rritjen e efikasitetit në zbatimin e ligjit dhe forcimin e bashkëpunimit ndërinstitucional. Kryeprokurorja Lumturije Vuçetaj theksoi nevojën për intensifikimin e veprimeve dhe bashkërendimin më të ngushtë mes institucioneve për të parandaluar dhe ndëshkuar shkeljet ligjore. Gjatë diskutimeve u kërkua që inspektorët të shtojnë angazhimin në monitorimin e subjekteve nën përgjegjësinë e tyre për identifikimin e shkeljeve të mundshme. Në përfundim u nxorën konkluzione të përbashkëta që synojnë forcimin e sundimit të ligjit dhe parandalimin e veprave penale në rajonin e Pejës.