Udhëheqësi i Zyrës për Rikthimin e Aseteve në Kosovë, Bahri Hyseni, zhvilloi një takim me Përfaqësuesin Rajonal të UNODC-së për Evropën Juglindore, Danilo Rizzi, ku u diskutua për progresin dhe sfidat në identifikimin, gjurmimin, sekuestrimin dhe rikthimin e aseteve të fituara në mënyrë të kundërligjshme. Në fokus ishte rëndësia e forcimit të kapaciteteve institucionale dhe përmirësimit të koordinimit ndërinstitucional, si dhe nevoja për hartimin e një ligji të posaçëm për rikthimin e aseteve që do të harmonizohet me standardet ndërkombëtare. Gjithashtu u diskutua mundësia e vazhdimit të mbështetjes përmes trajnimeve, vizitave studimore dhe ekspertizës së specializuar për të avancuar kapacitetet profesionale të stafit. Përfaqësuesi i UNODC-së shprehu gatishmërinë për të forcuar bashkëpunimin ndërkombëtar dhe për të rritur efikasitetin institucional në proceset e rikthimit të aseteve ndërmjet Kosovës dhe vendeve të tjera.