Një foshnjë 2-muajshe në Korçë ndodhet në gjendje shumë të rëndë shëndetësore në pediatrinë e spitalit rajonal, pasi dyshohet se është kequshqyer nga nëna e saj. Foshnja ka lindur prematurisht në muajin e shtatë dhe është trajtuar fillimisht në spitalet e Korçës dhe më pas në Tiranë, ku kishte dalë në gjendje të mirë shëndetësore. Pas kthimit në shtëpi, foshnja ka shfaqur probleme të rënda shëndetësore, çka ka alarmuar mjekët dhe policinë që ndodhen pranë saj dhe po bëjnë të pamundurën për shpëtimin e jetës së saj. Dyshimet kryesore lidhen me mungesën e ushqyerjes me gji, ndërsa autoritetet po hetojnë rrethanat e ngjarjes.