Një foshnje 2-muajshe, e lindur parakohe në muajin e shtatë të shtatzënisë, ka ndërruar jetë në Qendrën Spitalore Universitare “Nënë Tereza” në Tiranë, pas transportit urgjent nga Spitali Rajonal i Korçës për mjekim më të specializuar. Foshnja mbërriti në gjendje shumë kritike, me probleme të theksuara respiratore dhe peshë të pandryshuar prej 1 kilogrami që nga lindja, duke treguar një gjendje të rënduar shëndetësore. Pavarësisht ndërhyrjes së menjëhershme të mjekëve, foshnja nuk arriti të mbijetojë disa orë pas mbërritjes në kryeqytet. Grupi hetimor ka dërguar materialet në Prokurorinë e Korçës dhe po vijon hetimet për të përcaktuar shkakun e vdekjes, duke përfshirë mundësinë e kequshqyerjes apo ndonjë problem tjetër shëndetësor që mund të ketë pasur foshnja që nga lindja.