Një ngjarje e rëndë ka ndodhur në emergjencën e spitalit të Ferizajt, ku një foshnje u gjet pa shenja jete në tualetin e spitalit. Një vajzë 19-vjeçare, e cila kishte shkuar për kontroll mjekësor për shkak të dhimbjeve të barkut, ka lindur foshnjën në mënyrë të papritur dhe e ka fshehur atë fillimisht duke mos pranuar se ishte e saj. Foshnja u zbulua nga një pjesëtar i stafit mjekësor, i cili e gjeti në tualet, ndërsa më pas në prani të policisë vajza pranoi se foshnja ishte e saj. Pamjet nga vendi ku u gjet foshnja janë bërë publike, duke theksuar rëndësinë dhe tronditjen që ka shkaktuar ky rast në komunitetin lokal.