Gjatë ditës së dytë të gjyqit ndaj Duane “Keffe D” Davis në Las Vegas, prokuroria prezantoi fotografi të rënda të autopsisë së reperit Tupac Shakur, të cilat shkaktuan reagime të forta tek familjarët e tij, disa prej të cilëve u larguan nga salla. Mjekja ligjore Lisa Gavin shpjegoi plagët e shumta nga armë zjarri që mori Tupac, përfshirë një plumb që dëmtuar rëndë mushkërinë e djathtë, e cila u hoq në përpjekje për të ndaluar gjakderdhjen. Tupac mbijetoi për gjashtë ditë pas atentatit, por ndërroi jetë më 13 shtator 1996 në moshën 25-vjeçare. Prokuroria pretendon se vrasja ishte hakmarrje për një rrahje të Tupac me Orlando Anderson, nip i të akuzuarit, dhe se sulmi u organizua nga Davis, megjithëse ai nuk qëlloi vetë. Ndërsa disa familjarë u larguan nga dhimbja, kushëriri i Tupac, Zayd Akinyela, vendosi të qëndrojë për të kuptuar më mirë ngjarjen dhe për të përjetuar procesin e zisë pas 30 vitesh. Gjyqi vazhdon me dëshmitë e prokurorisë.