Nga 16 prilli deri më 30 gusht 2026, në Kosovë janë konfirmuar 151 raste me fruth, ku mbi 95% e tyre janë te persona të pavaksinuar me vaksinën MMR. Vetëm gjatë javës së fundit janë regjistruar katër raste të reja, duke treguar se sëmundja vazhdon të përhapet në komunitet. Instituti Kombëtar i Shëndetësisë Publike të Kosovës ka intensifikuar vaksinimin e vonuar “catch-up” për fëmijët që nuk janë vaksinuar në kohë, duke vaksinuar rreth 2,500 fëmijë të moshës 2–5 vjeç gjatë këtij viti. IKShPK-ja bën thirrje të fortë për vaksinim, duke theksuar se kjo është masa më e sigurt dhe efektive për mbrojtjen e fëmijëve dhe ndërprerjen e përhapjes së fruthit në vend.