Drejtoria e Policisë Financiare në Maqedoni ka ngritur kallëzim penal ndaj një personi fizik dhe një personi juridik për fshehje të tatimit, duke dëmtuar buxhetin shtetëror me mbi 4.5 milionë denarë. Sipas kallëzimit, pronari dhe drejtuesi i kompanisë nuk ka njohur si të ardhura detyrimet e papaguara dhe të vjetruara në bilancin për vitin 2025, duke shmangur pagesën e tatimit mbi të ardhurat për shumën prej mbi 3 milionë denarë. Gjithashtu, nuk janë regjistruar si shpenzime kreditë e dhëna individëve që nuk janë shlyer, për të cilat nuk është paguar tatimi në vlerë mbi 1.4 milionë denarë. Këto veprime kanë sjellë një dëm të konsiderueshëm financiar për buxhetin e Republikës së Maqedonisë së Veriut, ndërsa çështja është në duart e Prokurorisë Themelore Publike në Strugë për hetime të mëtejshme.