Një automjet tip fuoristradë, i vjedhur më parë në fshatin Panaja, u gjet i djegur mbrëmjen e së hënës në një tunel të vjetër ushtarak në zonën e Cërkovinës, në një rrugë të paasfaltuar që lidh këtë zonë me fshatrat përreth. Shërbimet zjarrfikëse ndërhynë për të shuar flakët, të cilat përfshinë edhe një sipërfaqe me bimësi pranë tunelit. Policia dhe grupi hetimor po punojnë për të identifikuar personat që braktisën automjetin, duke administruar pamjet e kamerave të sigurisë në zonë dhe hetuar itinerarin e tij. Hetuesit po shqyrtojnë mundësinë që makina të jetë përdorur për veprimtari të paligjshme para se të digjej dhe po përpiqen të përcaktojnë kohën dhe qëllimin e sjelljes së saj në këtë vend të izoluar.