Në dy javët e fundit, Komuna e Fushë Kosovës ka vaksinuar 299 fëmijë nga mosha 0 deri në 5 vjeç, në kuadër të Planit të Veprimit për rritjen e mbulueshmërisë me vaksinën MMR dhe parandalimin e përhapjes së fruthit. Ekipet e Qendrës Kryesore të Mjekësisë Familjare kanë kontaktuar qindra prindër, kanë zhvilluar vizita në terren dhe kanë ofruar këshillim shëndetësor për rëndësinë e vaksinimit. Nga numri total i fëmijëve të vaksinuar, 174 kanë marrë vaksinën MMR, duke përbërë rreth 58% të vaksinimeve në nivel vendi gjatë kësaj periudhe sipas të dhënave të IKSHPK-së. Komuna ka falënderuar profesionistët shëndetësorë dhe prindërit për bashkëpunimin dhe ka bërë thirrje që vaksinimi të vazhdojë sipas kalendarit të rregullt për të siguruar mbrojtje të qëndrueshme ndaj fruthit.