Një futbollist 35-vjeçar i klubit amator gjerman TuS Rockenberg është arrestuar nën dyshimin se ka helmuar për vdekje bashkëlojtarin e tij gjatë një udhëtimi në Dresden. Viktima, 30-vjeçari Philipp, u ndje keq gjatë udhëtimit dhe pas kthimit në shtëpi gjendja e tij u përkeqësua, duke ndërruar jetë në spital një ditë më vonë. Hetimet zbuluan se shkaku i vdekjes ishte helmimi që shkaktoi dështimin e shumë organeve, ndërsa prokurori publik e konsideron ngjarjen si një akt hakmarrjeje, pasi dy lojtarët ishin përplasur për një grua. Klubi reagoi me një deklaratë zyrtare, duke shprehur tronditjen dhe kërkuar respekt për hetimin, ndërsa i dyshuari ndodhet në paraburgim dhe nuk ka dhënë asnjë deklaratë.