Një ngjarje tragjike ka tronditur futbollin kosovar, ku futbollisti veteran i klubit KFV Barileva, Liridon Gubetini, ndërroi jetë në moshën 43-vjeçare pas një sulmi kardiak gjatë ndeshjes së Kupës ndaj KFV Deçanit. Ai humbi ndjenjat menjëherë pas përfundimit të pjesës së parë të ndeshjes dhe nuk u ngrit më, duke lënë pas një boshllëk të madh tek bashkëlojtarët dhe komuniteti sportiv. Klubi i KFV Barileva përmes një njoftimi zyrtar shprehu ngushëllimet më të sinqerta për familjen dhe të gjithë ata që e njohën, duke e kujtuar Liridonin si një njeri të jashtëzakonshëm dhe shumë të përkushtuar ndaj skuadrës së veteranëve. Kujtimi i tij do të mbetet i gjallë mes bashkëlojtarëve dhe komunitetit sportiv, ndërsa klubi shprehu pikëllimin e thellë për këtë humbje tragjike.