Një tragjedi e rëndë ndodhi në Brazil, ku Maria Eduarda Rodrigues de Freitas, 21 vjeçe, humbi jetën pasi instruktorët e kërcimit me litar harruan ta lidhin litarin e sigurisë para se ajo të hidhej nga një urë 40 metra e lartë në qytetin Limeira. Pamjet e momentit tregojnë se litari i sigurisë mbeti i papërdorur mbi platformë, ndërsa vajza ra drejt vdekjes para syve të të fejuarit dhe dëshmitarëve të tjerë. Policia arrestoi tre instruktorët kryesorë, të cilët akuzohen për vrasje nga pakujdesia, ndërsa ata nuk mundën të shpjegonin se si ndodhi gabimi fatal dhe kush kishte përgjegjësinë për sigurimin e litarit. Ngjarja ka shkaktuar zemërim të madh në opinionin publik dhe në rrjetet sociale, ku kërkohet ndëshkim maksimal për përgjegjësitë e kësaj tragjedie.