Një aksident i rëndë ka ndodhur të dielën në autostradën A8 në Gjermani, ku një 23-vjeçar humbi kontrollin mbi një Mercedes-AMG të modifikuar dhe u përplas me dy makina të tjera. Policia dyshon se incidenti ishte pasojë e një gare ilegale me makina, në të cilën ishin përfshirë edhe një Lamborghini dhe një Porsche, të cilët janë identifikuar dhe janë në hetim. Një nga drejtuesit tentoi të riparonte makinën e dëmtuar në një pikë karburanti, por më pas u lokalizua nga autoritetet. Për shkak të aksidentit, autostrada mbeti e mbyllur në të dyja drejtimet dhe policia ka bërë thirrje për dëshmitarë që mund të kenë informacion rreth garës ilegale.