Drejtori i Përgjithshëm i Policisë, Gazmend Hoxha, ka deklaruar se kërkimet për grupin e intelektualëve të zhdukur në Zubin Potok kanë vijuar edhe gjatë vitit 2024. Gjatë kësaj periudhe janë kryer dy gërmime në lokacione të ndryshme, përfshirë fshatrat Jabuk dhe Cerpulë, me qëllim gjetjen e mbetjeve të personave të zhdukur. Për këtë rast është formuar një ekip i veçantë hetimor, i cili ka realizuar urdhëresa për zhvarrosje, autopsi dhe identifikim, por pa arritur rezultate pozitive. Kërkimet trajtohen si prioritet dhe me trajtim të veçantë për shkak të kompleksitetit të tyre, megjithatë ende nuk ka zbardhje të fatit të grupit të intelektualëve.