Gims, emri i vërtetë Gandhi Djuna, është ndaluar në Paris nga autoritetet franceze në kuadër të një hetimi për dyshime pastrimi parash dhe krim financiar ndërkombëtar. Ai u ndalua sapo mbërriti në aeroportin Charles de Gaulle dhe po pyetet nga gjyqtarët hetues të prokurorisë së Parisit, të specializuar në krimin e organizuar. Hetimi përfshin rrjete financiare ndërkombëtare dhe kompani të regjistruara në disa shtete, të cilat dyshohet se janë përdorur për evazion fiskal, lëshim faturash të rreme dhe pastrim të të ardhurave nga aktivitete të paligjshme. Autoritetet franceze po përpiqen të zbulojnë funksionimin e këtij rrjeti dhe të identifikojnë të gjithë të përfshirët, ndërsa Gims rrezikon ndjekje penale nëse akuzat konfirmohen.