Komuna e Gjakovës ka arritur nivelin më të lartë të zbatimit të masave parandaluese për sigurinë në shkolla, sipas raportit të Zyrës Kombëtare të Auditimit. Në shtatë shkollat e auditimit, janë evidentuar 107 raste dhune në evidencat e brendshme, shumë më tepër se ato të raportuara nga Policia e Kosovës dhe sistemi SMIA. Të gjitha shkollat zbatojnë planin e kujdestarisë në korridore dhe 86% kryejnë kontrolle të rregullta te nxënësit, duke përfshirë edhe ndalimin e përdorimit të celularëve gjatë orarit të mësimit në disa institucione si “Hajdar Dushi”.