Policia e Kosovës në Gjakovë ka intensifikuar kontrollet në trafik me synim rritjen e sigurisë rrugore dhe parandalimin e aksidenteve. Gjatë dy ditëve të fundit, Njësia Rajonale e Komunikacionit Rrugor ka evidentuar 602 kundërvajtje të ndryshme, duke përfshirë gara shpejtësie, tejkalime të ndaluara dhe drejtim automjeti nën ndikimin e alkoolit. Si masë mbrojtëse, 33 shoferëve u është marrë patentëshoferi, ndërsa 21 prej tyre janë ndaluar për drejtim nën ndikimin e alkoolit. Policia paralajmëron se do të vazhdojë me masa të rrepta preventive dhe ndëshkuese, duke apeluar për rritjen e vetëdijes së pjesëmarrësve në trafik.