KRU “Gjakova” ka njoftuar se një defekt në rrjetin e ujësjellësit në rrugën “Fadil Nimani” ka shkaktuar ndërprerje të furnizimit me ujë për banorët e kësaj lagjeje. Për shkak të punimeve për riparimin e gypit kryesor, furnizimi me ujë do të jetë i reduktuar për rreth 3-4 orë. Ekipet e KRU-së kanë dalë menjëherë në terren dhe kanë filluar punimet për të ndalur rrjedhjen dhe për të rikthyer furnizimin normal me ujë të pijshëm. Banorët janë paralajmëruar për këtë ndërprerje dhe pritet që situata të normalizohet pas përfundimit të riparimeve.