Një gjarpër i gjatë rreth dy metra ka shkaktuar panik në fshatin Kçiq të Mitrovicës, duke detyruar Brigadën e Zjarrfikësve dhe Shpëtimit të ndërhyjë për ta larguar nga një objekt ku ishte futur. Intervenimi u bë menjëherë pas njoftimit nga qytetarët, ndërsa zyrtarët e zjarrfikësve treguan se raste të tilla, megjithëse të rralla, ndodhin kryesisht në zonat përreth Kçiqit, Shupkovcit, Zhabarit dhe Koshtovës.